Papa Francis
Kiongozi wa kanisa la Katoliki
duniani, Papa Francis na Mfalme Abdullah wa Jordan wameafikiana wakati
wa mkutano waouliofanyika katika makao makuu ya Papa ya The Vatican kuwa
mazungumzo baina ya raia wenyewe wa Syria kwa usaidizi wa jamii ya
kimataifa ndio suluhu pekee ya kumaliza vita vya wenyewe kwa wenyewe
nchini Syria.
Mfalme Abulla alisafiri kutoka Oman hadi Italy kukutana na Papa mpya.
Mfalme Abdulla aliambatana na mkewe Malkia Rania ambapo walikaa kwa mkutano wa fagha na Papa Fransis kwa muda wa dakika 20.
Jordan inakabiliwa na wimbi kubwa la wakimbizi wanaokimbia mzozo wa vita nchini Syria.
Mfalme Abdullah wa Jordan
Taarifa iliyotolewa na Vatican baada ya ziara
hiyo, haikutaja lolote kuhusu mzozo wa kimataifa ulioibuka kuhusu
matumizi ya silaha za kemikali.
Taarifa hiyo ilisema kwamba Papa Francis na
Mfalme Abdulla wamekubaliana kuwa njia pekee ya kutanzua mzozo wa vita
vya wenyewe kwa wenyewe nchini Syria ni kufanyika mazungumzo ya amani
baina ya pande hasimu nchini humo kwa usimamizi wa jamii ya kimataifa.
Utawala wa Vatican umebainisha wazi kuwa
inapinga mpango wa Marekani wa kuuadhibu utawala wa rais Bashar al Assad
kwa kufanya mashambulio ya kijeshi.
