Kumetokea Mlipuko wa Homa ya Nguruwe (Swine Fever) wilaya za Rungwe, Chunya na Mbeya, Mkoani Mbeya.
Ugonjwa wa homa ya nguruwe umelipuka tena mkoani Mbeya na kuua zaidi ya nguruwe 900 katika wilaya za Mbeya na Rungwe.
Mganga Mkuu wa Mifugo Mkoani Mbeya, Solomon Nong'ona akizungumza na alisema, ugonjwa huo umerudi tena baada ya kuzuka kwa mara
ya kwanza Januari mwaka huu na kutokomezwa.
Alisema kufuatia kuzuka tena kwa ugonjwa huo, serikali kupitia sekta ya
mifugo imepeleka dawa mkoani humo ambazo zinasaidia kupunguza kasi ya
kuenea.
Nong'ona alisema kufuatia kuzuka kwa ugonjwa huo wananchi nao
wanajitahidi kununua dawa hizo ili kuudhibiti na kuwakinga nguruwe
wanaowafuga.
Alisema ugonjwa wa homa ya nguruwe bado haijathibitika kuwa na madhara
kwa binadamu, hivyo wananchi wanaruhusiwa kula nyama ya nguruwe lakini
aliyechinjwa katika machinjio rasmi na kuthibitishwa na daktari wa
mifugo.
"Nguruwe hawa wanaweza kuliwa lakini wananchi wawe waangalifu kula nyama
hizo kwani kula myama ambaye amekufa mwenyewe ni hatari kwani huenda
amekufa kwa ugonjwa mwingine," alisema Nong'ona.
Alisema ugonjwa huo ulianza katika wilaya ya Mbeya na baadaye katika wilaya ya Rungwe.
Aidha Waziri wa Maendeleo ya Mifugo na Uvuvi, Dk Titus Kamani amepiga
marufuku usafirishaji nguruwe nchini bila kibali cha wataalamu wa
mifugo, lengo likiwa ni kuzuia kuenea homa ya nguruwe iliyoripotiwa
mkoani Mbeya.
 |
| Rais wa
Jamhuri ya Muungano wa Tanzania na Waziri wa Maendeleo ya Migfugo na
Uvuvi Dr. Kamani |
Dk Kamani alitoa agizo hilo kwenye ziara mkoani
hapa juzi, baada ya kutembelea Kituo cha Ufugaji Nguruwe cha Ikwete,
Halmashauri ya Mji wa Makambako, wilayani Njombe.
“Ni marufuku kwa mtu yeyote kusafirisha nguruwe
bila kibali kutoka kwa daktari wa mifugo, hatupendi kuona ugonjwa huu
ukienea,” alisema.
Dk Kamani alisema iwapo Serikali haitachukua hatua
za makusudi, ugonjwa huo utaenea zaidi na kusababisha gharama kubwa
kuuzuia. Hatua hiyo inakuja baada ya kuripotiwa kutokea mlipuko wa homa
ya nguruwe (Swine Fever) wilaya za Rungwe, Chunya na Mbeya, mkoani
Mbeya.
Daktari wa Mifugo wilayani hapa, Katemba alisema
wamepokea agizo hilo ambalo linakwenda sambamba na sheria ya wanyama ya
mwaka 2003, ambayo inazuia kusafirisha mifugo bila kibali cha daktari wa
mifugo, hivyo agizo hilo ni utekelezaji wa sheria.
“Kauli hii ya waziri tunaipokea maana ipo kwenye
sheria namba 17 ya magonjwa ya wanyama wa mifugo ya mwaka 2003, siyo
nguruwe tu bali mifugo yote inapaswa kusafirishwa kwa kibali,” alisema
Dk Katemba.
Toa Maoni Hapa Chini
