MAGAZETI YA LEO IJUMAA FEBRUARY 24,2017
Toa Maoni Hapa Chini
48 seconds ago
APOSTLE DAMAS
KAMATI ya Usalama Barabarani Mkoa wa Iringa kwa kushirikiana na Mtandao wa Mabalozi wa Usalama Barabarani, imetoa namba za simu kwa abiria wakati wakizindua kampeni yao ya ‘Abiria Paza Sauti’. Kampeni hiyo inayolenga kupunguza ajali wakati wa sikukuu za Krismasi na Mwaka Mpya, ilizinduliwa juzi katika stendi ndogo ya mabasi yaendayo mikoa ya Ipogolo, mjini Iringa.
Mratibu wa Kanda ya Nyanda za Juu wa Mabalozi wa Usalama Barabarani, Ramadhani Msangi alizitaja namba hizo kuwa ni 0658376053 ya Trafiki Iringa na 0758807734 ya Sumatra Iringa. Alizitaja namba nyingine kuwa ni 0682887722 ya Trafiki Makao Makuu Dar es Salaam na 0800110019/20 ya Sumatra Makao Makuu Dar es Salaam.
Msangi alisema kwa kupitia namba hizo, abiria wanatakiwa kupaza sauti zao kama kaulimbiu ya kampeni yenyewe inavyotaka kwa kuwaripoti madereva wanaokwenda mwendo kasi, wanaopita magari mengine kwa hatari, walevi na wanaokiuka sheria nyingine zote za barabarani.
“Kampeni hii inawataka pia abiria wakatae kulanguliwa tiketi, kusafiri na dereva mmoja safari ndefu na kupanda gari lisilo na mikanda kwa kutoa taarifa kupitia namba hizo ili hatua za kisheria ziweze kuchukuliwa mara moja,” alisema.
Akizindua kampeni hiyo, Mwenyekiti wa Kamati ya Usalama Barabarani Mkoa wa Iringa, Salim Asas alisema; “tunashirikiana na mabalozi wa usalama barabarani kuhakikisha kwamba abiria wanafanya safari zao kuanzia maeneo mbalimbali ya mkoa wa Iringa wanashiriki kuzuia ajali za barabarani.”
Asas aliipongeza kampeni hiyo akisema imekuja katika kipindi mwafaka cha mwezi Desemba ambacho rekodi zake zinaonesha ndicho kipindi kinachokuwa na ajali nyingi za barabarani.
Naye Kamanda wa Kikosi cha Usalama Barabarani Mkoa wa Iringa, Leopord Fungu alisema; “pamoja na kwamba kampeni hii inalenga kipindi hiki cha Desemba, hapa Iringa tunataka iwe ya kudumu.”
Mabalozi Wa usalama barabarani Leo katika stendi juu ya Mkoa wa Iringa
Credit to .
Frank Leonard-
Clever Anton-Rsa
Salma Mfaume- Rsa
Hadija Kimaro- Rsa
Damas Anthony-Rsa ( photographer)
