VIJANA WA AFRICA NA UINGEREZA WAMPONGEZA RAIS MAGUFULI NA TANZANIA KWA KUAMINI VIJANA KATIKA UONGOZI WA TAIFA LAKE
Tarehe 14 - 17 December 2015 kulikua na Majadiliano ya vijana kutoka bara la Africa na Uingereza
( Social Democratic Youth Roundtable Discussions) kuhusiana na mchango
wa vyama vyenye kufuata misingi ya ujamaa na demokrasia katika
kuhamasisha ushiriki wa vijana katika maswala ya siasa na uongozi.
Mkutano huo ulifanyika katika hotel ya St. Ermins Mjini London.
Wajumbe wa majadiliano hayo walitambua na kupongeza juhudi za maksudi
zinazofanywa na Tanzania ikiwa ni pamoja na kumpongeza Rais Magufuli
kwa kuwa na Baraza la mawaziri lenye sura ya Vijana. Wajumbe waliendelea
kupongeza jitihada za serikali katika kushirikisha vijana na kuwaamini
katika nafasi mbali mbali za uongozi. Mafanikio makubwa ya jitihada hizo
zikiwazinajiakisi katika bunge la 10 la Jamhuri ya Muungano ya
Tanzania, lenye vijana wengi.
Mazungumzo hayo yalihusisha jumuiya za vijana kutoka vyama 7 barani
Africa na
Chama cha Labour party kutoka Uingereza.
Vyama hivyo vikiwa ni
ANC - South Africa
FRELIMO - Mozambique
CCM - Tanzania
Botswana - Botswana Congress Party,
Cameroon - Social Democratic Front
Ghana-Convention People's Party na
Ghana- National Democratic Congress
Msafara wa toka Tanzania uliongozwa na Bi. Zainab Katimba (Mb.) na Augustine
Vumma Holle Mbunge mwenye umri wa miaka 25 kutoka jimbo la Kasulu
vijijini, Kigoma.
Pamoja na mambo mengine mazungumzo hayo yalizaa
haja ya kuunda mtandao wa kuhamasisha ushiriki na ushirikishwaji wa
vijana katika siasa, kutunga sera (policy making/formulation) na uongozi
kwa ujumla wake.
Mtandao huo umepewa jina la AFRICAN YOUTH NETWORK ukiwa una malengo yafuatayo;
1. Kuoka vijana kuwa viongozi bora (Mould young social democrats in to potential future leaders)
2.kutambua na kuendeleza mchango wa vijana katika kuleta maendeleo endelevu (Sustainable development)
3. Kutambua na kuendeleza mchango wa vijana katika kujenga taifa la kidemokrasia (democratic state)
4. Kutambua na kuendeleza mchango wa vijana katika kuleta Amani ( Role of youth in Peace Making)
Kila chama kilipata nafasi ya kueleza muundo na mchango wa chama chake
katika kufanikisha malengo tajwa.
Mtandao wa
AYN
utazinduliwa March 2016 nchini Tanzania.
Hakika hatima ya Tanzania ipo mikononi mwa vijana. Ni vema vijana wa
Tanzania kulitambua hilo hususani vijana wa Kitanzania ambao wengi wao
wanatarajiwa kuwa viongozi katika siku chache zijazo.
 |
| Zainab Katimba akiwa na Mwenyekiti wa Vijana wa Chama Cha Labour Party cha Uingereza. |
More details;
