Ni Uzinduzi wa bweni la kisasa la wanaume - chuo cha Biblia (Central Bible College) -Dodoma
Idara ya Elimu ya TAG yaboresha majengo ya vyuo vya Biblia nchini. Hapa
ni uzinduzi wa Bweni la kisasa lenye uwezo wa kuchukua wanafunzi 200
katika chuo cha Biblia cha Central Bible College - Dodoma mwezi Januari
2016.
Akizungumza katika uzinduzi huo, Mgeni Rasmi Dr. Sam Johnson kutoka
Marekani ambaye pia ndiye mfadhili mkuu wa mradi huo alisema mradi huo
ni utekelezaji wa Agizo Kuu la Bwana Yesu la kuwafanya mataifa yote kuwa
wanafunzi wa Yesu. Dr. Johnson alisema chuo cha CBC kitawavutia
watumishi wengi kuja kunolewa na kupata elimu ya theolojia ili waje kuwa
watumishi wazuri zaidi, kwa kupata Stashahada, Shahada, na Shahada za
Uzamili na Uzamivu. Aliongeza kwamba anaamini kwamba CBC itakuwa kitovu
cha umahiri katika elimu ya theolojia hapa Tanzania na nje ya Tanzania.
 |
| Askofu Mkuu wa Tanzania Assemblies of God, Rev. DR.
Mtokambali |
Kwa upande wake Askofu Mkuu wa Tanzania Assemblies of God, Rev. DR.
Mtokambali alisema anapolitazama jengo hili na aliposikia historia yake
kutoka kwa Mkurugenzi wa Elimu, anaona mbali zaidi ya mamilioni ya
shillingi yaliyotumika. Alisema anaona mamilioni ya roho za watanzania
na wasio watanzania zikiokolewa kupitia elimu itakayotolewa katika chuo
hiki. Alisema katika Mpango Mkakati tumefanya kazi nzuri miaka saba
iliyopita na kwamba miaka mitatu iliyobaki ni ya kufanya kazi ya kufa na
kupona ili tuivune Tanzania kwa ajili ya Yesu.
Askofu mkuu alimshukuru Dr. Sam Johnson na
"Priority
One" kwa ukarimu wao wa utoaji, Mkurugenzi wa Elimu Rev. Jonas Mkoba
kwa kujitoa kwake kusimamia mradi huu, na kila mtu aliyeshiriki kwa
njia moja au nyingine kuukamilisha mradi huu.
Toa Maoni Hapa Chini
