Marufuku Kukata miti ovyo Iringa.
Mkuu wa wilaya ya Iringa Mh Richard Kasesela amepiga Marufuku ukataji wa miti katika wilaya ya Iringa, akizungumza katika mkut
“Ni
marufuku kukata miti katika wilaya yangu na nitoe agizo kwamba hata
ukiwa na kibali hakikisha unapata na barua toka katika ofisi ya mkuu wa
wilaya kinyume na hapo utakuwa umekiuka taratibu tulizo jiwekea” Amesema
Mh kasesela, “ukataji wa miti umekuwa na madhara makubwa sana kwa mfano
angalieni Kijiji Mfyome palivyo hivi sasa ni tofauti kabisa na palivyo
kuwa miaka ya nyuma ilikuwa nadra sana kuona ardhi ukiwa juu katika eneo
lile lakini angalia hivi sasa jinsi palivyo haribika hii yote ni
kwakuwa miti inakatwa hovyo”
aliendelea Mkuu wa wilaya.
Katika hotuba yake ameweka wazi pia mkakati wa Serikali kuhamisha wote
waliojenga katika vyanzo vya maji pia wanao fanya shughuli zozote ambazo
si rafiki na vyanzo hivo ikiwemo kufyatua tofari na kulima (Vinyungu)
wataondolewa .“Hivi sasa tumeanza zoezi la kukamata tofari zote zilizo
katika vyanzo vya maji na hadi sasa tumesha kamata tofari zisizo pungua
laki moja na zote zitaenda kujenga madarasa” amesisitiza pia kuwa ni
marufuku kufanya shughuli yeyote mita sitini toka kilipo chanzo cha maji
na atakae kiuka agizo hilo taratibu za kisheria zitafata mkondo wake.
Mh Kasesela amependekeza kuwa uanzishwe ufugaji nyuki katika maeneo
ambayo hayatumiki “Nadhani katika baadhi ya maeneo tunaweza fanya
ufugaji wa nyuki kwanza watakuwa walinzi wa misitu yetu pili watakuwa
chanzo cha kipato pia ningependekeza wale nyuki wakubwa” , mkutano huo
uliowakutanisha madiwani na wadau toka MBOMIPA , NJUMIKIK na wawakilishi
toka Pawaga ,Idodi , Tungamalenga , Iringa mjini , Karenga na maeneo
mengine ya Wilaya ya Iringa.
Akimkaribisha Mwenyekiti wa Jumuiya
ya utunazaji Maliasili Bwana Ngola Magosi alisema “ kumekuwa na
changamoto kubwa katika utunzaji wa mali asili , vijiji havitoi kipa
umbele suala la misitu, viongozi na watendaji kujiusisha na uvunaji
haramu wa misitu, ushirikiano mdogop uliopo kati ya jeshi la polisi na
suala zima la kusimamia misitu. Haya yote yanafanya kazi iwe ngumu sana”
Mkutano huo ulijumuisha madiwani, wakuu wa idara wa halmshauri
ya Iringa, watendeaji pamoja na jumuia za watunza maliasili. Mkutano
umeazimia kuitisha kikao cha viongozi wa ngazi za juu akiwemo Mkuu wa
mkoa, wakuu wa wilaya wote, wakurugenzi wa halmashauri pamoja na
wenyeviti wa halmashauri. Pia mashirika yasiyo ya kiserikali yanayo
husika na mali asili.
