“Tuunge mkono jitihada za
kupinga rushwa na ufisadi na tuimarishe uchumi wa viwanda kwa maendeleo
yetu.”
Tarehe 9 Disemba Tanzania itaadhimisha miaka 55 ya Uhuru wa Tanzania
Bara kwenye Uwanja wa Uhuru jijini Dar es Salaam, ambapo Rais wa Jamhuri
ya Muuungano wa Tanzania, Dkt John Magufuli atakuwa mgeni rasmi siku
hiyo
Ni kwa mara ya kwanza kwa Rais Magufuli kuwa mgeni rasmi katika
shughuli ya maadhimisho ya sherehe za Uhuru, zinazofanyika kila mwaka wa
tarehe hiyo kwa kuwa mwaka jana aliahirisha sherehe hizo na kuagiza
kiasi cha fedha walichotakiwa kukitumia siku hiyo aliagiza fedha hizo
zitumike kupanua Barabara ya Morocco – Mwenge jijini Dar es Salaam.
“Nchi yetu itaadhimisha sherehe za kutimiza miaka 55 ya Uhuru wa
Tanzania Bara tarehe 9 Desemba, 2016. Kitaifa, maadhimisho hayo
yatafanyika katika Uwanja wa Uhuru, Dar es Salaam. Mgeni rasmi katika
maadhimisho hayo atakuwa Dk John Pombe Joseph Magufuli, Rais wa Jamhuri
ya Muungano wa Tanzania,” ilieleza taarifa iliyotolewa Jumatatu hii na
Waziri wa Nchi, Ofisi ya Waziri Mkuu, Sera, Bunge, Ajira, Kazi, Vijana
na Watu Wenye Ulemavu, Jenista Mhagama.
MAKOMANDOO
wa Jeshi la Ulinzi wanatarajiwa kupamba sherehe za maadhimisho ya miaka
55 ya Uhuru wa Tanzania Bara ambapo watacheza gwaride la kimyakimya.
Taarifa kuhusu sherehe ya maadhimisho ya miaka 55 ya Uhuru wa Tanzania Bara tarehe 9, Desemba 2016.
Hayo
yamebainishwa na Waziri wa Nchi Ofisi ya Waziri Mkuu – Sera, Bunge,
Ajira, Kazi, Vijana na Watu Wenye Ulemavu Jenista Mhagama kupitia
taarifa yake kwa vyombo vya habari aliyoitoa leo Jijini Dar es Salaam.
Waziri Jenista amesema kuwa mbali
na maonyesho hayo pia kutakuwa na burudani mbalimbali kutoka vikundi
vya Bendi ya Muziki wa kizazi kipya na Kizazi cha zamani, ngoma za asili
za mikoa ya Mbeya, Pwani, Lindi na kimoja kutoka Zanzibar.
Waziri
Mhagama ameongeza kuwa Mgeni rasmi katika maadhimisho hayo atakuwa ni
Rais wa Jamhuri ya Muungano wa Tanzania Dkt. John Pombe Magufuli.
Aidha ametoa wito
kwa wananchi wa Jiji la Dar es Salaam kujitokeza kwa wingi katika
viwanja vya Uhuru siku hiyo ya tarehe 9 Desemba ili kusjumuika na
Watanzania wote katika kuadhimisha sherehe hizo.
Kauli
mbiu ya maadhimisho hayo ni; “Tuunge Mkono Jitihada za Kupinga Rushwa
na Ufisadi na Kuimarisha Uchumi wa Viwanda kwa Maendeleo ya Nchi Yetu”
