Swali: "Bibilia inasema nini kuhusu jinsi ya kupata lengo la maisha?"
 |
| Na Apostle Darmasy |
Jibu: Bibilia iko wazi kuhusu vile lengo linastahili kuwa katika maisha. Wanadamu katika Agano La Kale na Agano Jipya walitafuta na kugundua lengo la maisha yao.
katika kitabu cha Mhubiri: “Hii ndiyo jumla ya maneno; yote yamekwisha sikiwa; Mche Mungu, nawe uzishike amri zake, Maana kwa jumla ndiyo impasayo mtu.
Kwa maana Mungu ataleta hukumuni kila kazi, pamoja na kila neno la siri, likiwa jema au likiwa baya” (Mhubiri 12:13-14). Suleimani anasema maisha yote ni kumheshimu Mungu na mawazo yetu na maisha na kuzitunza amri zake, kwa maana siku moja tutasimama mbele yake kwa hukumu. Sehemu ya lengo letu katika maisha ni kumcha Mungu na kumtii.
Sehemu nyingine ya lengo letu ni kuyaona maisha katika dunia hii kwa taswira.
Mfalme Daudi Alisema, “Bali mimi nikutazame uso wako katika haki, Naimkapo nishibishwe kwa sura yako”( Zaburi 17:15).
Mtume Paulo alizungumza juu ya yale yote aliyoyapokea kutoka kwa dini za vikao kabla akutane na Kristo aliyekuwa amefufuka, na anatamatisha kuwa yote yalikuwa kama mlima wa mbolea akilinganisha uzuri wa hekima ya Kristo Yesu. Katika Wafilipi 3:9-10, Paulo anasema kuwa hataki kitu kingine zaidi kuliko kumjua Kristo na “kupatikana ndani yake” kuwa na utakatifu wake na kuishi kwa Imani ndani yake, hata kama ingemaanisha kuwa angepata mateso na kufa.
Lengo la Paulo ilikuwa kumjua Kristo, kuwa na utakatifu unaopatikana kupitia kwa imani kupitia ndani yake, na kuishi katika ushirika na Yeye, hata wakati hayo yangeleta matezo ( 2 Timotheo 3:12). Hatimaye, alitazamia wakati ambao atakuwa mmojawapo wa watakao “fufuka kutoka kwa wafu.”
Lengo letu katika maisha, vile Mungu alivyokwisha tuumbia awali ni;
1) kumtukuza Mungu na kufurahia ushirika na Yeye,
2) kuwa na uhusiano mwema na wengine,
3) Tufanye kazi, na tuwe na mamlaka juu ya nchi.
Lakini kwa kuanguka kwa mwanadamu katika dhambi, ushirika na Mungu umevunjwa, uhusiano na wengine umearibika, kazi kila mara inaoneka kuwa ya shida, na mwanadamu anataabika kutunza mamlaka juu ya anga. Ni kupitia kwa urejesho na Mungu peke, kupitia kwa imani katika Yesu Kristo, lengo katika maisha linaweza gunduliwa.
. Tunamfurahia Mungu kwa kufuata lengo lake katika maisha yetu, ambayo inatuwezesha kuwa na furaha isiyo na mwisho- wingi wa maisha ambaye anataka tuwe nayo.
