Kuanzia sasa watumiaji wa simu za mkononi watatakiwa kuzoea kupata
ujumbe unaosomeka “umefanikiwa kuongeza sh. xxxx/=. VAT ni sh. xxxx na
Salio lako jipya ni xxxx.” kila wanapoongeza muda wa maongezi katika
simu zao za mkononi.
Tarakimu za kiasi cha pesa, VAT na salio
yatategemea thamani ya muda wa maongezi ulionunua na thamani ya muda wa
maongezi uliokuwepo kwenye simu hapo awali ukijumlisha na muda wa
maongezi ulionunua baada ya makato ya VAT.
Mabadiliko haya
yanafuatia kuanza kutekelezwa kwa marekebisho ya sheria ya VAT Sura 148
kama yalivyowasilishwa na na Waziri wa Fedha na Mipango, Dkt. Phillip
Mpango alipokuwa akisoma bajeti ya Serikali bungeni kwa mwaka wa fedha
2016/17 katikati ya mwaka huu.
Makato ya VAT yatahusisha muda wa
maongezi utakaonunuliwa kupitia vocha, kurushiwa na wauzaji wa muda wa
maongezi na hata kupitia njia za kibenki kama MPESA, TigoPesa na Airtel
Money
Toa Maoni Hapa Chini
