Kutumia vyema fedha ambazo Mungu ametupa ni changamoto kubwa katika
maisha. Kumbuka kuwa tutatoa hesabu ya vile ambavyo Mungu ameviweka
mikononi mwetu. Ni jukumu letu kufanikisha maisha yetu kwa zile fedha
ambazo Mungu ametupa, kila mkristo ni lazima ahakikishe anafanikiwa
katika suala la uchumi kwa utukufu wa Mungu.
Kuna mambo matatu inabidi tuelewe
- Fedha ni muhimu katika maisha yetu
- Mipango ya matumizi ya fedha ni muhimu kuliko fedha zenyewe
- Dhamira na nia yako ya kutumia vizuri fedha zako ni muhimu zaidi katika uwakili wako wa fedha
Mwandishi mmoja alisema kuwa katika fedha zetu, mali, muda, vipawa na
nafasi zetu Mungu ameandika ‘Tumia hadi nitakapokuja’, hapa inamaana
sio vyakwetu bali Mungu ametuazima kwa kitambo tu.
Mafanikio yanakuja unapokuwa na mtazamo sahihi
1.Jitoe kikamilifu kwa Mungu
Mungu alimbariki Abraham kwa sababu alijitoa kikamilifu kwa Mungu,
akaacha nchi yake na kwenda kule Mungu alipomwambia aende bila kujua
aendako.
Mwanzo 13:12-18.
Ebrania 11:8-10 8Kwa imani Abrahamu
alimtii Mungu alipoitwa aende kwenye nchi ambayo Mungu angempa kama
urithi. Naye aliondoka akaenda ingawa hakujua aendako. 9Kwa imani
aliishi kama mgeni katika nchi ya ahadi. Aliishi katika nchi ya ugenini
katika mahema pamoja na Isaki na Yakobo ambao pia walikuwa warithi
pamoja naye wa ahadi ile ile. 10Maana alikuwa akitazamia mji wenye
misingi ya kudumu ambao umebuniwa na kujengwa na Mungu mwenyewe
Mafanikio yanapatikana katika kujitoa miili na nafsi zetu kwa Mungu,
pale tunapotambua kuwa tunaishi kwa ajili yake na yatupasa kwanza
kuyafuata mapenzi ya Mungu katika kila sehemu ya maisha yetu.
Warumi 6:13 13Msikubali
kutoa sehemu yoyote ya miili yenu itumike kama vyombo vya uovu kutenda
dhambi. Bali jitoeni kwa Mungu kama watu waliotolewa kutoka katika kifo
wakaingizwa uzimani. Pia toeni sehemu zote za miili yenu zitumike kama
vyombo vya haki.
2. Kabili majukumu yako na wajibu wako
Fanya kazi yako kwa uaminifu na kwa kuijali. Mungu amekupatia kazi /
biashara ili uweze kujipatia kipato, yakupasa kuifanya kwa moyo wako
wote na uwezo wako wote.
1Kor 10:31-32 31Basi,
lolote mfanyalo, kama ni kula au ni kunywa, fanyeni mambo yote kwa ajili
ya utukufu wa Mungu. 32Msiwe ki wazo kwa Wayahudi au kwa Wagiriki, au
kwa kanisa la Mungu
Vile vile lazima uwe makini katika matumizi yako ya fedha. Huwezi
kufanikiwa kama kile kidogo ulichionacho hukitumii kwa busara na kwa
kuwajibika..
Mithali 10:4
Mithali 22:29
Mafanikio huja unapofunguka toka kwenye makosa ya kiuchumi
1.Kutokuwa na maana sahihi ya kuweka akiba
Huwezi kuiita akiba kama fedha hizo ni kwa ajili ya matumizi ya
wakati huu. Fedha iliyohifadhiwa ni fedha inayowekwa kwa ajili ya
mahitaji ya baadaye nay a dharura na sio kwa ajili ya mahitaji ya kila
siku. Fedha iliyohifadhiwa hukuelekea wakati fedha inayotumika huelekea
mbali na wewe.Lazima utofautishe hela unayoiweka akiba na hela
unayoitumia, kuweka hela kwa ajili ya harusi au manunuzi fulani sio
akiba.Akiba ni hela ambayo hauitumii wala kuipangia mipango kwa sasa, unaweka kwa ajili ya yatakayotukia maana hatujui ya kesho.
2.Kushindana na wengine
Watu hutumia fedha sio kwa sababu wanamahitaji muhimu bali ni ili
wawe sawa na wengine, waende na wakati wasije wakaonekana wabahili au
washamba. Unaweza ukawa na uhitaji wa gari au simu, jiulize je
unayoinunua ni kweli ndio hitaji latko au unataka uonekane nawe umo japo
uwezo wako haufikii hapo? Watu wako tayari kuingia kwenye madeni ili
mradi washindane na wengine katika kumiliki vitu vya gaharma.
Kiburi cha kutaka kuonekana kinawafanya watu kuishi kwa madeni bila
akiba yoyote, yote hii ni kutaka kuonekana kwa watu kuwa unafehda za
kutumia.
1 Tim 6:10 10Maana
kupenda fedha ni chanzo cha uovu wote. Tamaa ya fedha imewafanya wengine
watangetange mbali na imani na kuteseka kwa huzuni nyingi
Yatukasa kuwa mkweli na nafsi yako, kubali hali yako na tafuta njia
halali za kujikwamua na sio kujidanganya na kujikweza. Tambua uwezo wako
na avikwazo vyako kiuchumi na kasha tafuta njia ya kujikwamua na sio
kutafuta kujilinganisha na wengine na kujidai huoni vikwazo vyako.
3. Kuahirisha mipango yako mara kwa mara
Adui mkubwa wa mafanikio ni kusitasita na kuchelewa. Tunapanga mambo
mengi sana kwa ajili ya maisha yetu ila tunakwamishwa na kusitasita na
kuchelewa kuyatekeleza. Kila unapotaka kuchukua hatua unaona ngoja
ufikirie ena na uangalie hali inakwendaje, hatimaye siku, miezi, miaka
inakatika wewe upo pale pale. Unapoona tayari umeshaazimia moyoni mwako
usikubali kuahirisha kila mara, chukua hatua ili iweze kufanikisha
maisha yako.
Ubarikiwe
