DUA- Linatokana na neno la
Kiyunani “deesis” maana yake kuomba kwa bidii na kwa nguvu zote mpaka majibu
yanapokuwa yamepatikana. Maana ya dua ni kuwakilisha hoja nzito mbele za Mungu
na kuendelea kuhojiana na Mungu mpaka upate majibu yako. Tunaweza kuona katika
maandiko jinsi Yesu Kristo anatufundisha kuomba kwa bidii bila kukata tamaa na
kupewa haki upesi. Neno kupewa haki upesi linamaanisha kupewa upesi ulicho kiomba au uliyo yaomba.
Maandiko yanayohusiana na dua unaweza kuyasoma katika, Luka 11:5-10; 18:1-8;
Yakobo 5:17-18; Wakolosai 1:9.
Yeye mwenyewe Bwana wetu Yesu Kristo wakati anakaribia mauti yake
alifanya maombi na dua pamoja na kulia sana kwa machozi akasikilizwa kwa kuwa alikuwa mcha Mungu na alijifunza kutii.
Mara Malaika akamtia nguvu, Waebrania
5:7-8; Luka 22:39-44. Sisi vile vile inatupasa kumcha Mungu yaani kumhofu na
kujifunza neno lake na kutii kwa kufanya
linavyosema ndipo tukiomba atusikia na kutupa haja zetu,1Yohana 3:22; Yohana 9:31;
Mithali 15:29.
SALA - Maana yake ni kuwakilisha mahitaji
yako binafsi mbele za Mungu. Mahitaji ya lazima ni pamoja na mambo ya lazima
kama vile chakula, mavazi, malazi na mengine yanayofanana na hayo, ndio maana
Yesu anatoa mfano ulio hai anasema sisi tunawapa Watoto wetu vipawa vyema, pia
anauliza je si zaidi sana Baba yetu aliye Mbinguni atawapa mema wamwombao?. Vipawa vyema au mema ni maneno yanamaanisha
hitaji au mahitaji tunayo mwomba Mungu, Matayo 7:7-11.
MAOMBEZI - Ni kuwakilisha mahitaji ya wengine au kuombea wengine badala ya kujiombea
binafsi, 1Wathesalonike 1:2; 2; 11-12 na
Wakolosai 1:9.
SHUKRANI - Ni neno la Kiebrania “Yadah”
maana yake kutoa maneno ya shukrani, Zaburi 107:21-22; na Waebrania 13:15. Kushukuru
ni jambo la muhimu sana
mbele za Mungu inatupasa kushukuru kwa kila jambo jema. Wale wakoma kumi
waliotakaswa na Yesu kati yao alirudi kushukuru ni mmoja tu wale tisa hawakuwa na
moyo wa shukrani, 1Wathesalonike 5:18;
Luka 17:17-19.
KUABUDU - Linatokana na neon la Kiebrania “Shachah’’,
neno hili lina maana kuinama, kusujudia, au kwa kulala kifudifudi mbele za Mungu au chini
ya miguu ya Mfalme. Luka 4:8; 2Samweli 24:20.
UPAKO - Ni kutiwa mafuta, kumiminiwa mafuta,
kutengwa au kuwekwa wakfu kwa ajili ya kazi maalum ya Mungu, kama ya
ukuhani,ufalme na nabii Luka 4:18; 1Samweli
10:1; 16:13; Kutoka 30:30; 1Wafalme 19:15-16
Toa Maoni Hapa Chini
