Mwandishi wa blog ya http://apostledarmacy.blogspot.com/ atoa Salam za mwaka mpya 2017 kwa wasomaji wa blog yake
 |
Aposlte Damas Anthony mwandishi wa blog ya apostledarmasy
|
Unapo anza mwaka mpya, anza na Bwana na kumbuka mambo yafuatayo:
1.Omba Mungu akujalie moyo mpya wenye kumpenda yeye zaidi.
EZE. 36:25-27
“Nami nitawanyunyizia maji safi, nanyi mtakuwa safi; nitawatakaseni
na uchafu wenu wote, na vinyago vyenu vyote. Nami nitawapa ninyi moyo
mpya, nami nitatia roho mpya ndani yenu, nami nitatoa moyo wa jiwe
uliomo ndani ya mwili wenu, nami nitawapa moyo wa nyama. Nami nitatia
roho yangu ndani yenu, na kuwaendesha katika sheria zangu, nanyi
mtazishika hukumu zangu, na kuzitenda.”
2. Sahau yaliyopita yaliyokuumiza moyo na uliyofanya vibaya na angalia yaliyo mbele yako.
FLP. 3:13-14
“Ndugu, sijidhanii nafsi yangu kwamba nimekwisha kushika; ila
natenda neno moja tu; nikiyasahau yaliyo nyuma, nikiyachuchumilia yaliyo
mbele; nakaza mwendo, niifikilie mede ya thawabu ya mwito mkuu wa Mungu
katika Kristo Yesu.”
3. Jifunze kutokana na makosa.
EBR. 12:10-11
“Maana ni hakika, hao kwa siku chache waliturudi kama walivyoona
vema wenyewe; bali yeye kwa faida yetu, ili tuushiriki utakatifu wake.
Kila adhabu wakati wake haionekani kuwa kitu cha furaha, bali cha
huzuni; lakini baadaye huwaletea wao waliozoezwa nayo matunda ya haki
yenye amani.”
4. Mngoje Bwana kwa saburi.
ZAB. 37:7
“Ukae kimya mbele za BWANA, Nawe umngojee kwa saburi; Usimkasirikie yeye afanikiwaye katika njia yake, Wala mtu afanyaye hila.”
ISA. 40:31
“bali wao wamngojeao BWANA watapata nguvu mpya; watapanda juu kwa
mbawa kama tai; watapiga mbio, wala hawatachoka; watakwenda kwa miguu,
wala hawatazimia.”
5.Kumbukauaminifu wake ni mkuu sana.
OMB. 3:22-26
“Ni huruma za BWANA kwamba hatuangamii, Kwa kuwa rehema zake
hazikomi. Ni mpya kila siku asubuhi; Uaminifu wako ni mkuu. BWANA
ndiye fungu langu, husema nafsi yangu, Kwa hiyo nitamtumaini yeye.
BWANA ni mwema kwa hao wamngojeao, Kwa hiyo nafsi imtafutayo. Ni vema
mtu autarajie wokovu wa BWANA Na kumngojea kwa utulivu.”
Nakutakia baraka za Bwana kwa mwaka 2017. Bwana akupe kibali na kutimiza haja za moyo wako.
Toa Maoni Hapa Chini
